Поиск

Авторизация



Опрос

Оцените мой сайт
 
Бас бет БАЛАЛАР СПОРТЫ

БАЛАЛАР СПОРТЫ

ЖАС  КАРАТЭ  ШЕБЕРЛЕРИ

Елимизде жас спортшыларымыз қатары күннен-күнге артып бармақта. Еле жас болыўына қарамастан Абдулла Ибайдуллаев та солардың бири сыпатында шотокан каратэ спорты менен шуғылланып, көп ғана жетискенликлерге ерисип келмекте. Ол 1999-жылы Нөкис қаласында туўыл­ған. Балалығынан-ақ спорттың каратэ түрине бол­ған қызығыўшылығы оны пайтахтымыздағы 2-санлы балалар ҳәм жас өспиримлер спорт мектебине жетеледи. Бул жерде Абдулла устазы, белгили тренер Ҳәмийдулла Қәлимбетовтан сабақ ала баслады. 2011-жылы каратэ бо­йынша өткерилген Нөкис ашық чемпионатында екинши орынды қолға киргизиўи жас спортшы ушын жеңислердиң басланыўы болды. Бул жеңистен соң Абдулла устазының исенимин толық ақлай алды десек қәтелеспеймиз.

2012-жылы Қарақалпақстан Республикасы чемпионаты ҳәм Нөкис қаласы кубогинде үшинши, ал, сол жылдың 5-6-октябрь күнлери Ташкент қаласында өткерилген жәҳән кубоги беллесиўлеринде екинши орынды алыўға миясар болды. Абдулла булардан бас­қа да каратэ бойынша өткерилген бир қатар турнирлерде қатнасып, сыйлы орынларды ийелеп келмекте.

***

Усы мектептиң және бир  жас спортшысы Палўанияз Ещанов. Ол 2000-жылы Нөкис қаласында туўылған. Палўанияз да 2009-жылдан берли шотокан каратэниң барлық сыр ҳәм усылларын устазы Ҳәмийдулла Қәлимбетов жәрдеминде меңгерип келмекте. Оның табыслары да Абдулланикинен қалыспайды. Атап айтсақ, 2012-жылы 26-декабрь күни «Бәркамал әўлад жылы»на арналған жарыста биринши, 12-апрельде Нөкис қаласының ашық чемпионатында да биринши, усы жылы 24-февраль күнги Қарақалпақстан чемпио­натында болса екинши орынларды ийелеўге миясар болды. Бул нәтийжелерден тысқары оның қатнасқан турнирлери ҳәм қолға киргизген табыслары жүдә көп.

Бул еки жас спортшының келешектеги нийетлери жәҳән ареналарында елимиз байрағын бәлентлерге көтериў ҳәм республикамызда шотокан каратэ спортын раўажландырыўға өз үлеслерин қосыў. Биз жас каратэ шеберлериниң нийетлериниң иске асыўына тилеклеспиз.

Ғ.ЕСЕМУРАТОВА,

ҚМУ журналистика тәлим бағдары, 3-курс студенти.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031