Поиск

Авторизация



Опрос

Оцените мой сайт
 
Бас бет ХОШ ХАБАР

ХОШ ХАБАР

ҚАРАҚАЛПАҚ КАРАТЭШИЛЕРИНИҢ КӘРАМАТЫ

ЯМАСА 8 СПОРТШЫМЫЗДА 18 МЕДАЛЬ

Бүгинги күни Президентимиз тәрепинен спортқа болған үлкен дыққат-итибардың нәтийжесинде республикамыз жаслары ҳәм жас өспиримлери республика бириншиликлеринде, халықаралық турнирлерде, жәҳән ҳәм Азия чемпионатларында сыйлы орынларды ийелеп келмекте.

Каратэ республикамызда жақсы раўажланып киятыр­ған спорт түрлеринен саналады. Ол спорт түри сыпатында буннан бир неше онлаған әсирлер бурын күншығар мәмлекет есаплан­ған Япония мәмлекетинде пайда болған. Каратэ басқа спортлардан өзиниң әмеллери, нызам-қағыйдалары, имтихан талаплары менен өзгешеленип турады. Республикамызда бул спорттың пайда болыўы 1981-жылға туўра келеди.

 

Сол жылы тәжирийбели тренерлер Тилеўберген Қудайбергенов ҳәм Анатолий Кимлердиң басламасы менен Қарақалпақстан Каратэ федерациясы дүзилген. Сол ўақыттағы тренерлерден Ж.Пирназаров, Л.Данил, В.Круглов, Р.Кимлер каратэниң ен жайыўына өз үлеслерин қосқан.

 

Ғәрезсизлик жылларында каратэ спорты республикамызда раўажланыўы бо­йынша жоқары басқышлар­ға көтерилди. Спортшыларымыз жәҳән, Азия чемпионатларында елимиз байрағын бәлент желбиретип келмекте. Буның бир дәлили сыпатында усы жылдың 4-6-октябрь күнлери Түркия мәмлекетиниң Бурса қаласында Шотакан каратэ-до Жәҳән бирлеспесиниң (WSKU жөнелиси бойынша) жәҳән кубоги ҳәм Жәҳән каратэ Федерацияларының (WKF жөнелиси бойынша) Европа ашық чемпионатлары болып өтти. Бул чем­пионатларға Өзбекстан Республикасы сайланды командасы қурамында Қарақалпақстан Республикасы каратэ федерациясы президенти Ҳамидулла Қәлимбетовтың басшылығында қатнасқан 8 спортшымыз 6 алтын, 6 гүмис ҳәм 6 қола — жәми 18 медальды қолға киргизди.

Әлбетте, республикамыз каратэшилериниң бул табысы дәслепкиси емес. Август айында Япония мәмлекетиниң Токио қаласында болып өткен qq-жәҳән чемпионатында спортшымыз Н.Досымбетов 3-орынды ийелеп келген еди. Буннан алдынғы жәҳән чемпионатларында да спортшыларымыз белгили орынларды қолға киргизди.

— Жақында Түркия мәмлекетиниң Бурса қаласында өткерилген жәҳән Кубоги ҳәм Европа ашық чемпионатлары жоқары шөлкемлескенлик пенен өтти. Дүньяның 34 мәмлекетинен күшли спортшылар қатнасқан бул чемпионат алдынғыларға қарағанда қыйын кешти. Деген менен, шәкиртлеримиздиң өз үстинде тынбай мийнет етиўлери, Ташкент қаласында өткерилген оқыў-шынығыўларға қалмай қатнасыўы өз нәтийжесин берди. Усындай чемпионатларға қатнасып қайтыўда жақыннан қәўендерлик жәдемин берип киятырған Қарақалпақстан Республикасы Министрлер Кеңеси, Қарақалпақстан Республикасы Жоқары ҳәм орта арнаўлы кәсиплик билимлендириў басқармасы, Қарақалпақстан Республикасы Халық билимлендириў министрлиги, Өзбекстан Дәрья ҳәм автомобиль транспорты агент­лигиниң Қарақалпақстан Республикасы бөлими, «Қарақалпақтранс» кәрханасы, «Мустанаб-Хилол» ЖШЖлерине өз миннетдаршылығымызды билдиремиз, - дейди Қарақалпақстан Каратэ федерациясы президенти Ҳамидулла Қәлимбетов шәкиртлериниң жетискенликлерине кеўли толып.

Ҳақыйқатында да, республикамыз каратэшилериниң соңғы жыллары қолға киргизип атырған жеңислеринде тәжирийбели тренерлерF Ҳ.Қәлимбетов, А.Жуманазаров, П.Базарбаев, Б.Султамуратовлардың мийнетлери айрықша.

— Жәҳән кубоги жарысларында мүнәсип қатнасыўымызға устазларымыздың көрсетпелери ҳәм баҳалы мәсләҳәтлериниң нәтийжесинде бизлерде қыйыншылықлар аз болды. Қарсыласларымыз Иран, Түркия, Ирак, Россия, Румыния мәмлекетлеринен келген күшли спортшылар болды. Деген менен, тынымсыз шынығыўлардың нәтийжесинде олардан үстем келип, жоқары нәтийжелерди ийеледик,-дейди 15 жасар қызлар арасында жәҳән Кубоги жарысларының алтын ҳәм қола медалы ийеси Шахзада Әўесбаева.

Биз де өз гезегинде республикамыз каратэшилериниң табысларына көзайдын айтып, алдағы абырайлы жарысларда да елимиз байрағын жоқары желбиретиўлерине исенип қаламыз.

Р.АРЗИЕВ,

арнаўлы

хабаршымыз.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031