Поиск

Авторизация



Опрос

Оцените мой сайт
 
Бас бет мақала

мақала

ТУРИЗМ — ХАЛҚЫМЫЗ ТАРИЙХЫН ТАНЫТАДЫ

Ҳәзирги күнде туризмди раўажландырыў мәмлекетимиздиң баслы мақсетине айланды.

Халқымыздың  неше мың жыллық  бай руўхый-мәдений мийрасларын, ҳәр қыйлы тарийхый-археологиялық объектлерин  дүнья жүзине танытыў ушын елимизге  туристлердиң  келиўи  үлкен әҳмийетке ийе.

Мәмлекетимизде «Туризм ҳаққында» Нызам  1999-жылы 20-августта қабыл етилген болса,  Президентимиз тәрепинен  2018-жылы 3-февральда  «Өзбекстан Республикасының туризм потенциалын раўажландырыў ушын қолайлы шараятлар жаратыў бойынша қосымша  шөлкемлестириў илажлары ҳаққында»ғы  Пәрманы  қабыл етилген еди.  Ҳәзирги ўақытта Өзбекстан  Республикасы туризм бойынша  ҒМДА мәмлекетлери арасында 5-орында турады.  Пәрманда елимизде жасап атырған  пуқаралар ушын республикамызда  «Өзбекстан бойлап саяхат ет!» сүрени менен саяхат шөлкемлестирилмекте. Себеби туризм  елимиздиң экономикасын байытыў менен биргеликте  халқымыздың тарийхын танытыў, мәдениятын   раўажландырыўда тийкарғы орынды тутады. Туризм француз сөзи болып, «саяхат» мәнисин билдиреди.  Ал, Қарақалпақстан Республикасының аймағы да тарийхый ҳәм мәдений, археологиялық байлықларға ийе болып, әлбетте, бул   экотуризмди раўажландырыўға үлесин қосады.

Елимизге келген  саяхатшыларды  жақсы күтип алыў, олар менен еркин сөйлесе алатуғын  қәнигелер таярлаў ушын өткен жылы  пайтахтымызда   Нөкис Туризм ҳәм сервис кәсип-өнер колледжи ашылды.  Бул дәргайда жасларымыз «Туристлик хызметлерди шөлкемлестириўшиси», «Мийманхана ҳәм ресторан хызметлери менеджери», «Компьютер инжиниринги техникасы-технологи» бағдарлары  бойынша билим алып атыр. Оқыўшылардың  руўхый жетиклигин асырыўда колледжимизде Жаслар аўқамы менен биргеликте әдеп-икрамлылық, этика, эстетикалық қәделер, сөйлеў, кийиниў мәденияты түсиниклерин қәлиплестириўде сәўбетлесиўлер, белгили сәнелерге байланыслы  байрам кешелери өткерилип барылмақта.

Пәрманға тийкарланып, «Өзбекстан бойлап саяхат ет!» сүрени бойынша дүзилген реже тийкарында  оқыўшыларды  республикамызда жайласқан  музейлерге, Әмиў­дәрья, Елликқала, Беруний, Төрткүл, Хожели, Бухара, Самарқанд, Хийўа қалаларындағы тарийхый естеликлер менен таныстырыў  шөлкемлестирилген.

Бул илажлар халқымыздың өтмиш тарийхын үйрениў, оны қәстерлеп абайлаў арқалы жасларымызда Ўатанды сүйиўшилик сезимин оятып, ҳәр биримизди пидайы хызмет етиўге шақырады.

Р.БАДИРОВА

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2018
Октябрь
ПнВтСрЧтПтСбВс
1234567
891011121314
15161718192021
22232425262728
293031