Поиск

Авторизация



Опрос

Оцените мой сайт
 
Бас бет Cпорт

Cпорт

БАЛАЛАРДЫ ШАД ЕТКЕН ТУРНИР

Бурын хабар еткенимиздей, усы жылдың 10-12-апрель сәнелеринде пайтахтымыздағы «Туран» стадионында республикамызда футболды раўажландырыўға салмақлы үлес қосқан қәниге, Өзбекистан Республикасына мийнети сиңген тренер Әбилтай Есенбаевтың естелигине бағышланып 2000-2001-жылларда туўылған жас өспиримлер арасында республикалық ашық турнир болып өтти.

 

 

 

Қарақалпақстан Футбол федерациясы ҳәм «Қария» ветеранлар клубы тәрепинен шөлкемлестирилген бул турнирде республикамыз қала ҳәм районларынан, сондай-ақ, Хорезм ўәлаятынан жәми qw команда қатнасып, жеңимпазлық ушын гүрес жүргизди.

Үш күн даўам еткен қызығарлы беллесиўлер жуўмағында ашық турнир финалында 7-санлы Республикалық футбол мектеп интернаты (РФМИ, тренери Мэлс Дәстенов) ҳәм 2-санлы Республикалық балалар ҳәм жас өспиримлер спорт мектеби (РБЖӨСМ, тренери Ислам Абдуллаев) командалары өз-ара күш сынасты. Жас футболшылар қанша ҳәрекет етпесин, ушырасыўдың биринши таймында есап ашылмады. Екинши таймның орталарына келип РБЖӨСМ футболшысы Еркин Жийемуратов өз командасын алдыға алып шықты. Бирақ, РФМИ футболшылары түскинликке түспеди ҳәм қарсы ҳүжимлердиң биринде есапты теңлестириўге еристи. qFq есабы ушырасыўдың ақырына шекем сақланып қалды ҳәм командалар жеңимпазды анықлаў ушын пенальтилер сериясына мүрәжат етиўге мәжбүр болды. Бунда әўмет РФМИ командасы тәрепинде болды ҳәм Мэлс Дәстенов шәкиртлери ашық турнирдиң бас сыйлығы болған кубокты жеңип алды. :шинши орын болса Нөкис Олимпия резервлери колледжиниң жас футболшыларына несип етти.

Турнир жуўмағында Қарақалпақстан Республикасы Мәденият ҳәм спорт ислери минис­триниң орынбасары Д.Қалхоразов, республика Футбол федерациясының баслығы В.Назаров, спорт ветераны Ю.И.Кулаков, Ә.Есенбаевтың досты Ж.Адайбаевлар сөзге шығып, жарыстың жоқары дәрежеде шөлкемлестирилгенин атап өтти ҳәм барлық футболшылар менен олардың устазларына миннетдаршылық билдирди. Ашық турнир жеңимпазлары ҳәм сыйлы орын ийелерине шөлкемлестириўшилер тәрепинен таярланған медальлар, дипломлар ҳәм саўғалар салтанатлы жағдайда тапсырылды. Сондай-ақ, ҳәр қыйлы номинацияларда жеңимпаз болған жас футболшылар ҳәм бир топар футбол ветеранларына да естелик саўғалары инам етилди.

Әлбетте, бундай жарысларды шөлкемлестириў арқалы жас футболшылардың шеберликлери ҳәм тәжирийбесин, өзлерине болған исенимин арттырыў мүмкин. Турнир жуўмақланар екен, ҳақыйқый профессионаллар ҳәрекет ететуғын жасыл газонда топ тепкен ҳәм шөлкемлестириўшилер тәрепинен спорт липасларын, топ ҳәм басқа да спорт инвентарьларын қабыл етип алған балалардың жүзлериндеги шадлықты байқаў қыйын емес еди.

С.ЖАНИЕВ,

арнаўлы хабаршымыз.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031