Поиск

Авторизация



Опрос

Оцените мой сайт
 
Бас бет Cпорт

Cпорт

ДӘСТҮРГЕ АЙЛАНҒАН

ВЕЛОМАРАФОН ЖАРЫСЫ

Қарақалпақстан Республикасы кәсиплик аўқамлары шөлкемлери бирлеспеси Кеңеси тәрепинен республикамыздың түрли тараўларында мийнет етип атырған  хызметкерлердиң социаллық-экономикалық мәплери ҳәм мийнет саласындағы ҳуқықларын қорғаў менен бирге спорттың ғалабалығына ерисиў, бул арқалы саламат турмыс тәризиниң турақлылығын тәми­йинлеў бойынша системалы түрде ҳәр қыйлы спорт жарыслары өткерилип, нәтийжели ислер әмелге асырылып келинбекте.

 

 

Усындай спорт жарысларының бири ­ түрли тараў хызметкерлери арасында дәстүрге айлан­ған «КАСАБА-ТУР» веломарафон жарысы есапланады.

Быйылғы дәстүрий веломарафон жарысының 1-басқышы 10-20-март күнлери кәрхана ҳәм мәкеме, шөлкемлерде мийнет етиўши хызметкерлер арасында өткерилген болса, екинши басқышы 1-10-апрель аралығында қала ҳәм район көлеминде болып өтип, жеңимпазлар Қарақалпақстан Республикалық басқышына жоллама алған еди.

Жақында пайтахтымыздың орайында жайласқан 2-санлы балалар ҳәм жас-өспиримлер спорт мектеби алдында 3-басқыш ойынларына старт берилди.

Жарысты Қарақалпақстан Республикасы кәсиплик аўқамлары шөлкемлери бирлеспеси Кеңеси баслығы С.Ниетуллаев ашып берди. Кешениң ашылыў салтанатына Қарақалпақстан Республикасы Министрлер Кеңеси Баслығының орынбасары М.Әлеўов, «Камалат» жаслар жәмийетлик ҳәрекети Қарақалпақстан Республикалық Кеңеси баслығы Ж.Абдижамиловлар қатнасты.

Бул жарыста қала ҳәм район көлеминде жеңимпаз болған 20-35 жастағы, 35-45 ҳәм оннан үлкен жастағы 300ден аслам ҳәўескер велоспортшылар күш сынасты.

Жарыс соңында Нөкис социал-экономикалық колледжи алдында орнатылған финиш сызығын бириншилер қатарында кесип өткен жеңимпазларға шөлкемлестириўшилер тәрепинен диплом ҳәм қымбат баҳалы саўғалар берилди. Олар усы жылдың 14-15-май күнлери Ташкент қаласында өткерилетуғын жуўмақлаўшы басқышқа жолламаларды қолға киргизди.

Буннан тысқары, жарыс жуўмағында белсене қатнасқан ҳәўескер велоспортшыларға ҳәр қыйлы номинациялар бойынша саўғалар тапсырылды.

Р.АРЗИЕВ,

арнаўлы хабаршымыз.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031