Поиск

Авторизация



Опрос

Оцените мой сайт
 
Бас бет ҒӘРЕЗСИЗЛИК АДЫМЛАРЫ

ҒӘРЕЗСИЗЛИК АДЫМЛАРЫ

ПАЙТАХТЫМЫЗ   ЖАМАЛЫ

ЖАӉАРМАҚТА

Бир сапары пайтахтымыздың «Ташкент» мийманханасы тәрепиндеги бәндиргиде отырсам, 45-50 жаслар шамасындағы киси келип, жаныма отырды. Жасыүлкен менен сәлемлесип,  тез тил табысып кеттик. Бир ўақытта жаңағы киси көзине жас алды. Бирден булай ислегениниң мәнисин түсинбей, тынышлық сақлап отыра бердим. Ол бираздан соң көзиниң жасын сыпырып, былай деди:

­ Иним, кеширерсең! Көп жыллар бурын шаңарақ ағзаларымыз бенен қоңсылас республикалардың бирине көшип кеткен едик. Туўылған елди сағынып, усы жерде жатқан марҳум ата-анамды зияратлап кетиў мақсетинде келдим.

 

 

 

Ҳәзир «Дослық» каналын жағалап, сағынышымды басалмай киятырған едим. Нөкистиң жамалына көз тиймесин. Қаланың көркине көрк қосып атырған бийик-би­йик имаратлар, каналдың бо­йындағы қурылыс ислери — бәршеси мени қайыл қалдырды. Несип етсе жақын арада қайтып келиў нийетиндемиз. Себеби, перзентлерим де Нөкисти жүдә сағынады...

Ҳақыйқатында да, Ўатан сағынышы жүдә аўыр. Жумыс бабында басқа елге көшип, бүгинлиги сағыныштан қайта оралажақ бул ўатанластың көзиндеги жаслары ҳақыйқый сағыныш жаслары еди.

Елимиз ғәрезсизлигиниң дәслепки жылларынан баслап-ақ, турмысымыздың барлық тараўларында қаншадан-қанша өзгерислер, жаңаланыўлар жүз бермекте. Республикамыздың алыс-алыс аўылларын қала типине айландырыў, үлги жойбардағы жайлар салыў ­ булардың бәршеси ғәрезсизлик жемислери екенин мақтаныш етемиз.

Өзбекистан Республикасы Министрлер Кабинетиниң исши топары тәрепинен ислеп шығылған арнаўлы қарар жойбары тийкарында 2014-2016-жылларда Нөкис қаласы ҳәм Беруний районында қурылыс ҳәм абаданластырыў жумысларын алып барыў режелестирилген еди. Мине, усы қарарда белгиленген ўазыйпалардан есапланған пайтахтымыздағы «Дослық» каналы әтирапын абаданластырыў, парк зонасын шөлкемлестириў бойынша да жумыслар әллеқашан басланып кеткен. Канал бо­йындағы абаданластырыў ислерин алып барыў ушын бас жойбардағы белгиленген тәртипте ислер әмелге асырылмақта. Бас жойбарда белгиленген «Дослық» каналында пия­далардың каналдың арғы басынан берги жағасына өтиўи ушын үлкен еки көпир аралығында еки пиядалар көпири салынады. Пиядалар ушын салынып атырған 1-көпирдиң реконструкция ислери усы жылдың 13-июнь сәнесинен басланып кетти. «Тақыятас МО-14» көпир қурылысы мәкемесиниң шебер қурылысшылары тәрепинен w сменада жумыслар жедел алып барылмақта. Бул пиядалар көпириниң реконструкция ислери ғәрезсизлик байрамына жуўмақланады.

Пайтахтымыздың күн са­йын шырайланып баратыр­ғанлығын, қаладағы әмелге асырылып атырған буныңдай дөретиўшилик ислерди көрип, бәршемиз қуўанамыз, қәлбимизде мақтаныш сезимлери пайда болады. Пикирлеримизди қосық мүлкиниң султаны, Өзбекистан Қаҳарманы И.Юсуповтың төмендеги қатарлары менен жуўмақламақшымыз:

Бардур болжаў қәбилетим,

Билген нәрсем сол болады:

Сәл азырақ сабыр етиң,

Бул жер еле зор болады...

Р.АРЗИЕВ,

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031