Поиск

Авторизация



Опрос

Оцените мой сайт
 
Бас бет ҒӘРЕЗСИЗЛИК ЖЕМИСЛЕРИ

ҒӘРЕЗСИЗЛИК ЖЕМИСЛЕРИ

БИЗ ҲЕШ КИМНЕН КЕМ ЕМЕСПИЗ

«Бәрекелла болыпты. Баланың қанында бар, дойнағында бар. Әкеси Шамурат Машарипов өз дәўиринде тек қарақалпақта емес, өз салмақ категориясында бир неше мәрте Өзбекистан чем­пионы, бурынғы аўқам көлеминде өткерилген жарыслардың жеңимпазы болды. Тил-көзден сақ бол­ғайсаң, нарым».

(Жерлесимиз, маңғытлы Э.Машариповтың жаслар арасында Чехияда болып өткен Европа ашық чемпионатында алтын медальды қолға киргизген ўақтында айтылған гәп­лер).

 

 

Бүгинги күни ғәрезсиз мәмлекетимиздиң жүреги саналған Ташкент қаласында алдағы болажақ жарысларға таярланып атыр­ған Элёр Машари­повқа ең уллы, ең әзиз байрам қарсаңында қоңыраў еттик:

— Билесиз бе, Лондон олимпиадасы жеңимпазларын сыйлықлаў мәресиминде Журт­басшымыз мәмлекетимизде спортқа берилип атырған итибар, жаратылып атырған шараятлар, көрсетилип атырған ғамқорлықлар келешекте көп табысларға тийкар болады, - деген еди. — Ҳақый­қатында да, елимиздегидей спортқа қаратылған итибарды басқа еллерде ушыратыў қыйын. Келешек жаслары арасында үш басқышлы спорт ойынларының енгизилиўи, Балалар спортын раўажландырыў қорының дүзилиўи ҳәм усы қор есабынан соң­ғы жыллары қаншадан-қанша спорт объектлери қурылып, заманагөй спорт инвентарьлары менен тәмийинленди. Жақында ғана Қытайдың Нанкин қаласында жас өспиримлер арасында болып өткен II жазғы олимпиада ойынларында жас мәмлекетимизден қатнасқан 28 спортшыдан онының жеңимпаз — 4 алтын, 3 гүмис ҳәм 3 қола медаль ийеси болыўы көрсетилип атыр­ған ғамқорлықлардың ҳақыйқый нәтийжеси болды.

Әпиўайы бир ғана мысал, өзим туўылып өскен Әмиўдәрья районының өзинде соңғы он жыл ишинде qe спорт объекти қурылып, жаслардың өзлери қәлеген спорт түрлери менен шуғылланыўына имканият жаратылды. Сондай-ақ, усы қор тәрепинен райондағы улыўма билимлендириў, балалар спорт мектеплери ҳәм спорт комплекслериниң қурылысына 5 млрд. 431,5 млн. сум, оларды спорт инвентарьлары менен тәмийинлеўге 150 млн. сум қаржы сарпланыўы — тараўға итибардың айрықшалығынан дерек береди. Усындай итибар ҳәм ғамқорлықтың нәтийжесинде азлы-көпли табысларға ерисип киятырман. Әсиресе, Чехия мәмлекетиниң Либерек қаласында гүрес­тиң дзю-до түри бойынша жаслар арасында өткерилген Европа ашық чемпионатында пьедесталдың биринши текшесинен орын алып, елимниң байрағы көтерилип, гимни атқарылғандағы қуўанышымды сөз бенен тәрийп­леўге әззимен.

Ҳәр бириңизди ата-бабамыз әрман еткен усындай еркинлик, ғәрезсизлигимиздиң we жыллық байрамы менен қызғын қутлықлайман, бийбаҳа байлық саналған елимизге тынышлық тилеймен...

Әлбетте, Журтбасшымыз айтқанындай, биз ҳеш кимнен кем емеспиз, кем болмаймыз. Келешекте журтымыз байрағын көклерге көтеретуғын, халқымыздың мақтанышына айланатуғын перзентлериниң қатары күн сайын артып баратуғынына исенемиз.

Қ.БАЙНИЯЗОВ.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031