Поиск

Авторизация



Опрос

Оцените мой сайт
 
Бас бет СПОРТЫМЫЗ КЕЛЕШЕГИ

СПОРТЫМЫЗ КЕЛЕШЕГИ

КОРТТА УЛҒАЙЫП КИЯТЫРҒАН ЖАСЛЫҚ

Президентимиздиң «Ҳеш бир нәрсе мәмлекетти спорт киби дүньяға тез таныта алмайды» деген қанатлы гәплериниң турмыста өз тастыйығын таўып атырғанын бүгинги күнде көплеген спортшыларымыздың халықаралық жарысларда елимиз байрағын бәлент желбиретип, гимнин жаңлатып атырғанынан көриўимизге болады. Ғәрезсизлик жылларында мәмлекетимизде өсип киятырған жас әўладтың ҳәр тәреплеме шыныққан, денсаўлығы күшли инсан болып жетилисиўине, дене тәрбиясы ҳәм спортқа, әсиресе, балалар спортына қаратылған күшли дыққат-итибар өзиниң унамлы нәтийжесин берип келмекте.

 

 

 

Тек қала орайларында ғана емес, ал, ең шетки, алыс аўылларда да заманагөй спорт объектлериниң қурылып, пайдаланыўға тапсырылыўы, олардың спорт инвентарьлары ҳәм жетик қәнигелер менен тәмийинлениўи ҳүкиметимиздиң узақты гөзлеген сиясатынан дерек береди.

Қарақалпақстанда Қутыбаевлар шаңарағын билмейтуғын, олар ҳаққында еситпеген адам шенде-шен болса керек. Спорттың ҳәр қыйлы түрлери менен шуғылланыўды өзлерине кәр етип алған бул шаңарақ ўәкиллери ғәрезсизлик жылларында түрли жарысларға қатнасып, мәмлекетимиз байрағын бәлент желбиретип киятыр. Халқымыздың мақтанышы, муайтай бойынша бес мәрте жәҳән чемпионы Еркинбай Қутыбаев, профессионал футболшылар, аға-инили Мақсетулла ҳәм Нағметулла Қутыбаевлардың исм­лериниң қарақалпақ спортының жылнамасына алтын ҳәриплер менен жазылып қалатуғынына гүман жоқ.

Өзлериниң усындай хызметлери менен халықтың меҳирине бөленген Қутыбаевлар династиясының гезектеги ўәкили Санетулла Қутыбаев мине бир неше жыллардан берли спорттың теннис түри менен турақлы түрде шуғылланып келмекте. Быйыл қыста енди ғана он жети жасын толтыратуғын ол кишкене болыўына қарамастан үлкен спорттың ҳаўасынан нәпес алыўға үлгерди. Бир неше мәрте халықаралық турнирлерге қатнасып, ҳәтте биринши орынды алыўға да миясар болды. 2013-жылы Қазақстанның Ус­ть-Каменогорск қаласында IT­ (18 жасқа шекемги профессионал теннисшилер ассоциациясы) тәрепинен шөлкемлестирилген турнирде жуплық разрядта бас сыйлықты жеңип алған ол сол жылдың сентябрь айында Шымкент қаласында өткерилген турнирде тақ разрядта ярым финалға шекем жетип барды. Быйыл да усы турнирде ярым финалда ойнайды. 2011-жылы тақ разрядта Өзбекистан чемпионы деген атақты жеңип алған болса, быйыл жуплық разрядта екинши орын менен шекленди. Санетулла былтыр өткерилген республикалық Олимпия резервлери теннис мектебиниң ашық бириншилигинде тақ разрядта да, жуплықта (М.Набиев пенен бирге) да ҳеш кимге имканият қалдырмады. Наманганда шөлкемлестирилген «Бәркамал әўлад-2014» спорт ойынларында болса сырдәрьялы Мирадил Умаров, хорезмли Атамурат Атабаевлардан үстем келип, ярым финалда корт ийеси, наманганлы Хумаюн Султановтан жеңилди. Үшинши орын ушын болған беллесиўде бухаралы Ахаджан Эрматовқа ҳеш қандай имканият қалдырмады ҳәм қола медаль менен сыйлықланды.

­ Бес жасында қолына ракетка услаған балам үлкейе келе тенниске шынтлап ықлас қойды, - дейди Санетулланың әкеси Муфтилла аға. ­ Бул қызығыўшылықты және де раўажландырыў мақсетинде оны Ташкенттеги республикалық Олимпия резервлери теннис мектебине алып бардым. Санетулла 2009-2011-жыллар даўамында усы мектепте белгили теннис қәнигеси Владислав Шиннен тәлим алды. Баламның келешеги ушын сонша жуўырып-жортқанларым зая кетпей, бүгинги күни исенимимди ақлап атырғаны ушын оннан миннетдарманF

Ҳәзирги ўақытта Нөкис спорт колледжиниң питкериўши курсында оқып атырған Санетулланың көпшилик ўақты Ташкент қаласында өтеди. Себеби, профессионал спортта форманы сақлап турыў ушын оған пайтахтағыдай орталық, жақсы шараятлар керек.

Және бир айта кететуғын нәрсе, Санетулла өзиниң жас категориясында Өзбекистан сайланды командасы қурамында Австралия ҳәм Таиланд мәмлекетлеринде өткерилген Дэвис кубогы беллесиўлерине қатнасып қайтты. Бүгинги күнде де сайланды команда қурамына талабанлыққа дизимге алынған ол 2013-жылды теңлеслери арасында дүнья рейтингинде 500-орында жуўмақлаған. Ҳәзир 118 упай менен 402-орынды ийелеп тур. ITҒ тәрепинен өткерилетуғын турнирлерге қатнасып, бираз тәжирийбе арттырған Санетулланың мақсети ­ «Фьючерс» ҳәм «Челленджер» турнирлеринде де қатнасыў.

­ Швейцариялы Роджер Федерер, испаниялы Рафаэль Надал, ўатанласымыз Денис Истоминлердиң ойынлары айрықша унайды, - дейди ол. ­ Өз тәжирийбемди еле де арттырып, келешекте солардай белгили ракетка шебери болыўды нийет етип қойыппан.

Қарақалпақ теннисиниң тарийхында жаңа бет ашып атырған жас спортшы Санетулла Қутыбаевқа бул жолда әўмет яр болыўын тилеп қаламыз.

С.ЖАНИЕВ.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031