Поиск

Авторизация



Опрос

Оцените мой сайт
 
Бас бет XVII АЗИЯ ОЙЫНЛАРЫ

XVII АЗИЯ ОЙЫНЛАРЫ

ТӘЖИРИЙБЕ МЕКТЕБИ БОЛДЫ

Усы жылдың 19-сентя­бринен 5-октябрине дейинги аралықта Қубла Кореяның Инчеон қаласында XVII Азия ойынларының болып өткенинен көпшиликтиң хабары болса керек. Бул ойынларда континентимиздиң 45 мәмлекетинен қатнасқан 10 мыңға шамалас атлет спорттың 36 түри бойынша 439 медальлар комплекти ушын гүрес жүргизди.

 

 

Инчеонда ғәрезсиз мәмлекетимизден 290 спортшы спорттың 32 түри бо­йынша беллесиўлерге түсти. Турнир жуўмағында олар 9 алтын, 14 гүмис ҳәм 21 қола — жәми 44 медальды жеңип алып, улыўма командалық есапта 11-орынды ийеледи. Ўатанымыз спортшыларының ғәрезсизлик жылларында елимизде дене тәрбиясы ҳәм спортқа айрықша әҳми­йет берилиўиниң нәтийжесинде қолға киргизген бул табысына еркин ҳәм грек-рим гүреси, бокс, дзюдо, таэквондо, байдарка ҳәм каноэ­да ескек есиў шеберлери ҳәм жеңил атлетикашыларымыз салмақлы үлес қосты.

Соны да айтып өтиў керек, XVII Азия ойынларында Өзбекистан сайланды командасы қурамында қарақалпақстанлы спортшылар да мүнәсип қатнасыўға ҳәрекет етти. Академиялық ескек есиў шебери Ислам Мәмбетназаров сегиз адамлық қайықта финиш сызығын төртинши болып кесип өткен болса, халықаралық дәрежедеги спорт шебери Баҳадыр Дәўлетияров (тренер) тың басшылығында ҳәрекет еткен Әбиўбәкир Узақбаев пенен Ерназар Ҳәмидуллаевлар да континентимиздиң ең күшли ескекшилерине мүнәсип қарсылық көрсетти. Футбол бойынша Өзбекистан сайланды командасы қурамында ойнаған жерлесимиз Наў­рыз Алимов турнирдиң шерек финалына шекем жетип барған болса, еркин гүрес бойынша қатнасқан Азиза Султамуратова, Дәўлетбийке Яхшымуратова ҳәм Әсем Сейдаметовалар ушын Азия ойынлары өзине сай үлкен тәжирийбе мектеби болды.

Әлбетте, жоқарыда атлары аталған спортшыларымыз алдағы ўақытлары таярлықты күшейтип барса, олардың да мәмлекетимиз байрағын бәлент желбирете беретуғынына исенемиз.

С.ЖАНИЕВ.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031