Поиск

Авторизация



Опрос

Оцените мой сайт
 
Бас бет Спорт

Спорт

МӘМЛЕКЕТ КУБОГЫНДАҒЫ ТАБЫСЛАР

Самарқанд қаласында академиялық ескек есиў бойынша гезектеги Өзбе­кис­тан кубогы ҳәм жаслар арасында мәмлекет чем­пионаты болып өтти. Бул беллесиўлерде қарақалпақстанлы спортшылардан Рәўшан Сапарбаева ҳәм Дәмехан Қаиповалар еки адамлық тақ ескекли қайықта барлық қарсыласларынан үстем келип, алтын медальды жеӊип алды. Сондай-ақ, олар екеўи Лизахан Әметова ҳәм Баршынай Оразбаевалар менен биргеликте төрт адамлық тақ ескекли қайықта, Замира Айтниязова, Гүлнур Отарбаева, Меҳрибан Жарылқағанова, Гәўҳар Өтепбергеновалар болса мәмлекет сайланды командасы қурамында сегиз адамлық қайықта гүмис медаль ийесине айланды.

Жарыстыӊ улыўма нәтийжеси бойынша республикамыз ескекшилери 2 алтын, 9 гүмис ҳәм 23 қола — жәми 34 медальды қолға киргизип, жыл басынан берги медаллар санын 132 (39 алтын, 27 гүмис ҳәм 66 қола) ге жеткерди.

Әлбетте, пүткил елимизде өзиниӊ ылайықлы орнына ийе болған қарақалпақ ескек есиў мектеби ўәкиллериниӊ тек еки алтын медальды ғана қолға киргизиўин жоқары нәтийже деп болмайды. Буныӊ себебин билиў мақсетинде Қарақалпақстан Ескек есиў федерациясыныӊ атқарыўшы директоры Әбдиқәдир Қаиповқа жолыққанымызда ол төмендегилерди айтты...

— Ескекшилеримиздиӊ тийкарғы шынығыў өткеретуғын орны «Дослық» (бурынғы «Қызкеткен») каналы болып табылады. Ҳәзирги ўақытта каналда реконс­трукция жумысларыныӊ алып барылыўына байланыслы спортшыларымыз тийкарынан улыўма физикалық таярлықлар менен шекленип қалмақта. Сайланды командамыздыӊ барлық ағзаларын арнаўлы таярлықтан өткериў имка­нияты болмады. Ҳақыйқатын айтатуғын болсақ, спортшыларымыздан бул нәтийжени де күткен жоқ едик. Каналдағы реконструкция жумыслары жуўмақланып, мектебимиздиӊ шынығыў базасы жақсыланса, ескек есиў спорты өзиниӊ бурынғы абырайын қайта тиклейди деп ойлаймыз...

Самарқандтағы беллесиўлерге спортшыларымызды тренерлерден Н.Байлепесов, М.Мәмбетназаров, Б.Дәўлетияров, Б.Ильясов, С.Сейдалиев, Ж.Қожақова, С.Байлепесов ҳәм А.Исламовлар таярлады.

С.ЖАНИЕВ.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031