Поиск

Авторизация



Опрос

Оцените мой сайт
 
Бас бет КАРАТЭ-ДО. ӨЗБЕКИСТАН КУБОГИ

КАРАТЭ-ДО. ӨЗБЕКИСТАН КУБОГИ

ЖАС КАРАТЭШИЛЕРИМИЗДИҢ

ҮЛКЕН НӘТИЙЖЕЛЕРИ

Соңғы жыллары ҳүкиметимиз тәрепинен спортқа қаратылып атырған айрықша дыққат-итибардың нәтийжесинде республикамызда спорттың көпшилик түрлери бойынша спортшыларымыз халықаралық ареналарда өзлерин көрсетип, жоқары нәтийжелерге ерисип келмекте.

Шығыс жекпе-жек гүрес түрлериниң бири болған каратэ-до спортына республикамызда өткен әсирдиң 80-жыллары тийкар салынды. Сол жыллары бул спорт түринен тек бирең-сараң жерлерде ғана шынығыўлар болып өтетуғын еди.

Каратэ-до бойынша қәнигелерлердиң жетиспеўи себепли республикамыздың район ҳәм аўылларында бул спорт түри раўажланбады. Ал, ғәрезсизлик жылларына келип каратэ-до спорты өзиниң раўажланыў басқышына көтерилди.

— Ҳақыйқатында да, ғәрезсизлик жылларында бул спорт түри ен жайып, республикамыздың қала ҳәм районларында спорт заллары салынып, материаллық-техникалық базалары беккемленди. Үлкен ареналарда елимиз даңқын көтеретуғын спортшылар жетилисип шықты. Жәҳән кубогы, жәҳән чемпионатларында, халықаралық турнирлерде елимиз атынан қатнасқан республикамыз каратэшилери жоқары нәтийжелерди қолға киргизе баслады,-дейди Қарақалпақстан Республикасы Каратэ федерациясының президенти Ҳ.Қәлимбетов.

Жақында 6-9-ноябрь күнлери шотокан каратэ-до бо­йынша Наманган қаласында нәўбеттеги Өзбекистан кубогы жарыслары өткерилип, оған республикамыздың сайланды командасы қурамында Қанлыкөл районы ҳәм Нөкис қаласынан 46 спортшы қатнасып қайтты.

Өзбекистан Республикасының барлық ўәлаятларынан күшли спортшылар қатнасқан жарыс кескин беллесиўлер астында өткерилди.

— Республикамыздың «Гүллер қаласы» деп даңқ шығар­ған Наманган қаласында өткерилген нәўбеттеги Өзбекистан кубогы жарыслары жоқары көтериңкилик руўхта өткерилди десек асыра айтқан болмайман. Республикамыздың барлық ўәлаятларынан келген каратэшилер татамиде күш сынасыў менен бирге, өз-ара досласып, кеўилли қатнасып қайтты,-дейди спортшыларды жарысқа таярлаған тренерлердиң бири Ш.Юсупов.

Жарыс жуўмағында республикамыз каратэшилери жәми 46,  соннан 9 алтын, 18 гүмис, 19 қола медалларын қолға киргизип, улыўма командалық есапта Ташкент қаласы ҳәм Наманган ўәлаятынан соң 3-орынды ийеледи. Чемпионат­қа спортшыларды тәжирийбели тренерлерден Ҳ.Қәлимбетов, П.Базарбаев, Ш.Юсупов, А.Сапарбаевлар таярлады.

Чемпионаттан спортшыларымыз диплом, медаль ҳәм қымбат баҳалы саўғалар менен сыйлықланып қайтты.

Р.АРЗИЕВ.

СҮЎРЕТТЕ: қарақалпақстанлы каратэшилердиң шынығыў барысынан көринис.

Ж.ЖАҚСЫМУРАТОВтың түсирген сүўрети.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031