Поиск

Авторизация



Опрос

Оцените мой сайт
 
Бас бет «УНИВЕРСИАДА – 2013»

«УНИВЕРСИАДА – 2013»

ЖАСЛЫҚ  ҲӘМ  ГӨЗЗАЛЛЫҚ  БАЙРАМЫ

Дүнья мәмлекетлеринде мектеп оқыўшылары ҳәм студент жаслар арасында түрли жарыслар өткерилип келинбекте. Бирақ, жас өспиримлер ҳәм жасларды дене тәрбиясы менен спортқа тартыўдың биздегидей үш басқышлы системасы ҳеш бир мәмлекетте жоқ десек асыра айтқан болмаймыз. Бул механизмге Президентимиздиң басламасы менен тийкар салынды ҳәм ҳәр жылы өткерилип келинбекте.

Мектеп оқыўшылары арасында «Үмит нәлшелери», академиялық лицей ҳәм кәсип-өнер колледжлери оқыўшылары арасында «Бәркамал әўлад», жоқары оқыў орынларының студентлери арасында «Универсиада» спорт жарыслары бир неше мың жасларды қамтып алып, олардың физикалық, руўхый бәркамал болып жетисиўинде айрықша әҳмийетке ийе болмақта. Президентимиздиң атап өткениндей, жасларымыз ақылый, руўхый жетик ҳәм билимли, физикалық жақтан күшли, шаққан, спорт майданларында шыныққан, мәрт перзентлер болып жетилисиўи керек.

Жоқары оқыў орынлары арасындағы «Универсиада» жарысы быйыл алтыншы мәрте Бухара қаласында болып өтеди. Оның тарийхына нәзер тасласақ, биринши «Универсиада» ойынлары 2000-жылы Наманган ўәлаятында болып өтти. Наманган қаласы, Касансай районының стадион ҳәм спорт сарайларында болып өткен жарыслар­ға мыңнан аслам тамашагөйлер қатнасты. Биринши мәрте өткерилген ойынларда студентлер спорттың 9 түри бойынша күш сынасып, Ташкент қаласы, Қарақалпақстан Республикасы ҳәм ўәлаятлардан ququ спортшы өз-ара беллести. Жарыс жуўмағында Наманган, Ташкент қаласы ҳәм Самар­қанд ўәлаяты спортшылары жеңимпаз болды. Спорт түрлери бойынша жоқары нәтийжелерге ерискен спортшыларға Президентимиздиң саўғасы ­ 15 «Тико» автомашиналары тапсырылды.

Студентлердиң спорт байрамы екинши мәрте 2002-жылы Бухара ўәлаятында өткерилди. Жарыслар Бухара қаласынан тысқары Ромитан, Алат, Жандар, Каган районларының спорт ареналарында болып өтти. Ромитан районында өткерилген футбол беллесиўин үш мынңан аслам жанкүйерлердиң тамашалағаны жарыстың әҳмийетиниң қаншелли дәрежеде жоқары екенлигин көрсетеди. Спорттың 12 түри бойынша 2848 студент-жаслар қатнасқан «Бухара, 2002» ойынларының жуўмағында Ташкент қаласы, Бухара ҳәм Наманган ўәлаятларының спортшылары жеңимпаз болып, Президентимиз саўғасы — «Дамас» автомашиналары менен сыйлықланды.

Самарқанд ўәлаятындағы «Универсиада-2004» ойынлары спорттың 12 түри бойынша өткерилип, оған 2712 студент-жаслар қатнасты. Жарыслар Самарқанд қаласы ҳәм Тайлақ районының спорт майданларында өткерилди. Жеңимпазларға 230 алтын, 230 гүмис ҳәм 251 қола медаллары тапсырылды. Ташкент қаласы, Самарқанд ҳәм Наманган ўәлаяты спортшылары ең көп балл топлап, «Дамас» автомашиналарының ийелерине айланды.

Төртинши мәрте Ташкент қаласында өткерилген «Универсиада-2007» жарысына жәми 2393 адам қатнасқан болса, соның 1964 и студент-жаслардан ибарат. Сондай-ақ, 238 тренер, 94 төреши, 125 жуўапкерли хызметкерлер қатнасып, 400 ден аслам ғалаба хабар қуралларының ўәкиллери жарысларды сәўлелендирип барды. Беллесиўлер Ташкент қаласының ең заманагөй спорт майданларында өткерилип, оларда «Универсиада», ҳәттеки мәмлекетимиз рекордлары орнатылды. Жарыс жуўмағында командалық есапта Ташкент қаласының студент-жаслары биринши орынды ийелеген болса, сыйлықлы орынлар Наманган ҳәм Самарқанд ўәлаятларының спортшы- жасларына несип етти.

Студентлер спорт байрамының бесинши мәнзили 2010-жылы Әндижан ўәлаяты болды. Спорттың 12 түри бо­йынша өткерилген жарысларға 1800 ге жақын спортшылар қатнасты. Жеңимпаз жасларға 176 алтын, 176 гүмис ҳәм 191 қола медаллары тапсырылды. Жарыс жуўмағында Ташкент қаласы биринши, Әндижан ўәлаяты екинши ҳәм Наўайы ўәлаятының жаслары үшинши орынларды ийелеп, Президентимиз саўғасы — «Дамас» автомашиналары менен сыйлықланды.

Усы күнге дейин өткерилген «Универсиада» спорт жарысларында қарақалпақстанлы спортшы-жаслар да жақсы нәтийжелерге еристи, әсиресе, олар спорттың волейбол, баскетбол, гүрес, футбол түрлери бойынша жеңимпазлар қатарынан орын алды. Олардан атап айтсақF

— 2000-жыл, Наманган, М.Балтания­зов (миллий гүрес) — алтын медаль~

— 2002-жыл, Бухара, ҚМУ волейбол (ер балалар) командасы — қола медаль, тренери Аллаяр Казаков~

— 2004-жыл, Самарқанд, ҚМУ волейбол (ер балалар) командасы — гүмис медаль, тренери А.Казаков, Н.Хожабаев (миллий гүрес) — қола медаль~

— 2007-жыл, Ташкент, НМПИ волейбол (қыз балалар) командасы — алтын медаль, тренери Азат Казаков, ҚМУ волейбол (ер балалар) командасы — алтын медаль, тренери А.Казаков, Н.Хожабаев (миллий гүрес) — гүмис медаль, Р.Машарипов, А.Нурлыбаев (дзюдо) — қола медаль, ҚМУ баскетбол (қыз балалар) командасы — қола медаль, тренери О.Ниязова~

— 2010-жыл, Әндижан, НМПИ волейбол (қыз балалар) командасы — гүмис медаль, тренери А.Казаков, ҚМУ баскетбол (қыз балалар) командасы — гүмис медаль, тренери О.Ниязова, ҚМУ гандбол (ер балалар) командасы — қола медаль, тренери Азат Бекназаров, НМПИ футбол командасы — гүмис медаль, тренери Жамалатдин Бекмуратов, «Универсиада - 2010» жарысында НМПИ футбол командасы ойыншысы Азамат Алланиязов күшли топ урар (4 ойында 4 гол) номинациясын жеңип алды.

Жоқары оқыў орынлары арасындағы «Универсиада» жарысы быйыл Бухара ўәлаятында болып өтеди. Бул үлкен спорт байрамының финаллық басқышына жоллама алған қарақалпақстанлы баскетболшы жигит-қызлардың, волейболшы қызлардың, спорттың басқа да түрлеринен қатнасатуғын жасларымыздың сыйлы орынлар менен қайтыўына тилеклеспиз.

С.АЛЛАНИЯЗОВ,

Әжинияз атындағы НМПИ Дене тәрбиясы

ҳәм спорт кафедрасының оқытыўшысы.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031