Поиск

Авторизация



Опрос

Оцените мой сайт
 
Бас бет 18-МАЙ — ХАЛЫҚАРАЛЫҚ МУЗЕЙЛЕР КҮНИ

18-МАЙ — ХАЛЫҚАРАЛЫҚ МУЗЕЙЛЕР КҮНИ

ӨТМИШ ӨМИР ЖЫЛНАМАЛАРЫ

Бийбаҳа мийраслар — булар неше әсирлер даўамында сақланып киятырған халық мүлки есапланады. Оны қәстерлеп сақлаў келешек әўладларға жалғастырыў болса, музей хызметкерлериниң ўазыйпасы. Мәмлекетимизде музейлердиң жумысларына айрықша итибар қаратылып киятыр. Буның ай­қын мысалы республикамыздағы И.В.Савицкий атындағы қарақалпақ мәмлекетлик көркем өнер музейи жәҳән стандартларына сай гезектеги екинши имаратының қурылысы қызғын пәт алмақта. Қарақалпақстан мәмлекетлик үлке таныў музейи ушын да имарат орны белгиленди.

Республикамыз пайтахтының Төрткүл гүзары бойында жайласқан Қарақалпақ мәмлекетлик Даңқ музейи 1987-жылдан баслап жумыс баслады. Музей Екинши жер жүзилик урыс жылларында ҳәм оннан кейинги дәўирде халық хожалығының барлық тараўларында пидайы хызмет ислеген мийнет ветеранларының ҳәм белгили мәмлекетлик искерлердиң өмири ҳәм мийнет жолын сәўлелендириўши көргизбе менен ашылған болса жыллар даўамында экспозицияларға өзгерислер киргизилип атыр. Ке­йин ала Аўған жеринде Ўдиўли ўазыйпасын өтеген  әскерлердиң, Чернобыль апатшылығына қатнасқан ўатанласларымыздың ерликлерин сәўлелендириўши материаллар менен толықтырылды. Музей қоры Fәрезсизлик жылларында республика алдыңғылары, Өзбекстан Қаҳарманлары, Зульфия атындағы ҳәм Ниҳол мәмлекетлик сыйлықларына миясар болғанлар, “Келешек ҳаўазы” ҳәм спорт жарысларының жеңимпазлары, алдыңғы фермерлер, исбилерменлер, республикамыз турмысын сәўлелендириўши фотосүўретлер, ҳүжжетлер, картиналар, бюст ҳәм скульп­туралар ҳәм басқа да материаллар менен жылдан жылға толықтырылып киятыр.

Ҳәзир музей ықласбентлери жүдә көп. Аўған урысында қаза тапқан әскерлердиң ата-аналары, туўысқанлары келип турады. Олардың көпшилиги урыста қаза тапқан перзентлериниң кийимлерин, жазған хатларын музейге тапсырып атыр. Жақында Аўған урысына қатнасқан, ҳәзир дем алыстағы 50 ден аслам жаўынгерлер музейге келип бул жердеги экспонатлар менен танысты.

Өткен 2012-жылы музей хызметкерлери 3 мыңнан зыят экспонатлар жыйнады. Музей қорында оғада баҳалы мийраслар бар. Мәселен XVI әсирге тийисли түркмен халқының мойынға тағатуғын тағыншақлары сақлаўлы. Экспертлер тәрепинен бул тағыншақлар — бир дана сырға, бир дана браслет, бир дана мойынға тағатуғын маржанлар бийбаҳа есапланып 16 миллион АҚШ доллары муғдарында баҳаланған. Бул Өзбекстан Республикасы Бажыхана Кодексиниң 5-статьясына муўапық пуқара А.Рагимовадан алынған.

Халық арасында еле де бийбаҳа мийраслар көп. Соның ушын музейдиң илимий хызметкерлери Н.Таўмуратов, Қ.Базарбаева, В.Матекеева ҳәм бас­қалар халық арасында болып түсиник жумысларын алып барады.

Жақында XVII әсирге ти­йисли алтын әребекти музей қорына Қараөзек районы турғыны тәрепинен өз ықтыяры менен тапсырды. Бул да экспертлер тәрепинен анықланып баҳаланды.

Ал, өнермент Саятхан Аитимова өзи тоқыған Сәўкелени саўға ретинде музейге тапсырды. Мәмлекетлик нышан есапланған гербтиң дәслепки сызылған үлгилери де музей қорында сақлаўлы.

Музей директоры Ш.Пахратдинова жақында халықаралық музейлер күни алдынан Ташкент қаласында болып өткен “Интернет ҳәм хабар китапхана ресурсларынан илим, билимлендириў, мәденият ҳәм бизнес тараўларында пайдаланыў” атамасында VII халықаралық ҳәм ЮНЕСКО ислери бойынша миллий комиссия тәрепинен шөлкемлестирилген “Өзбекстан музейлериниң келешеги” атамасында илимий әмелий конференцияларға қатнасып қайтты. Бул конференциялардан алған тәсирлер музей жумысларын жанландырыўға бағдарланған әмелий жәрдем болатуғыны менен әҳмийетли.

Б.КАРАМАТДИНОВА.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031