Поиск

Авторизация



Опрос

Оцените мой сайт
 
Бас бет ФУТБОЛ. ӨЗБЕКСТАН ЧЕМПИОНАТЫ. 1-ЛИГА

ФУТБОЛ. ӨЗБЕКСТАН ЧЕМПИОНАТЫ. 1-ЛИГА

САҚЛАНБАҒАН  ЖЕҢИС

Футбол бойынша мәмлекет чем­пионатының биринши лигасында қатнасып атырған командалар қысқа тәнепистен соң екинши айланым ойын­ларын баслап жиберди. Биринши айланымдағы 11 ойыннан кейин 16 упай топлап, турнир кестесиниң төртинши орнында киятырған Нөкис­тиң «Арал» командасы он екинши турда өз майданында аймақ жағынан да, кестеде жайласыўы бойынша да өзиниң қоңсысы болған :ргеништиң «Хорезм» командасын қабыл етти. Бул командалардың биринши айланымда Үргениште болып өткен ушырасыўы майдан ийелериниң 2:1 есабындағы жеңиси менен тамамланған еди.

«Арал» ҳәм «Хорезм» командалары арасындағы ҳәр бир ушырасыў өзиниң кескинлиги ҳәм гүреслерге бай болыўы менен ажыралып турады. Сонлықтан да шийшемби күни Нөкистеги «Туран» стадионына келген футбол ышқы­пазларының саны әдеттегиден көбирек болды.

Ойынның дәслепки минутларынан-ақ ҳәр еки команда да өзлериниң қорғаныс сызықларын беккемлеўге айрықша дыққат қаратқаны сезилип турды. Сонлықтан да биринши голды көриў ушын футбол ышқыпазлары дерлик бир саат күтиўге туўра келди. Ушырасыўдың 61-минутында мийманлар шеп қанаттан ҳүжимге атланған Наўрызбек Қайыповты шалып жығыўға мәжбүр болды. Жәрийма тобын әжайып тәризде әмелге асырған футболшымыз Аллаяр Реймов есапты ашты. Лекин, нөкисли футболшылардың да, олардың жанкүйерлериниң де бул қуўанышы узаққа созылмады. Ойын­ның тамам болыўына он минут қалғанда мүйеш тобын тепкен хорезм­ли футболшылар Наўрызбек Қайыповтың автоголы есесине есапты теңлестириўге миясар болды. Усылайынша, ушырасыў 1:1 есабында теңбе-тең жуўмақланып, командалар бир упайдан бөлисип алды.

«Туран» стадионындағы келеси ойын w-июнь күни өткерилип, онда «Арал» Самарқандтың «Шердор» командасын қабыл етеди.

С.ЖАНИЕВ.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031