Поиск

Авторизация



Опрос

Оцените мой сайт
 
Бас бет ХОШ ХАБАР

ХОШ ХАБАР

СОҚПАҚЛАР ГҮЗАРҒА АЙЛАНСЫН

ЯМАСА ЖЕРЛЕСИМИЗДИҢ ХАЛЫҚАРАЛЫҚ ТУРНИРДЕГИ ҚОС ТАБЫСЫ

Елимизде спортты ҳәм дене тәрбиясын раўажландырыўға болған күшли дыққат-итибардың нәтийжесинде жас спортшыларымыз жәҳән ареналарында, халықаралық турнирлерде мәмлекетимиз байрағын бәлент желбиретип келмекте. Қуўанарлысы, олардың қатары күн сайын көбейип атыр.

Усы жылдың 19-20-май сәнелеринде Қазақстан Республикасының Алматы қаласында жас өспиримлер арасында жеңил атлетика бойынша дәстүрий халықаралық турнир болып өткен еди. Турнирде Өзбекстан сайланды командасы қурамында қатнас­қан жерлесимиз, Нөкис спорт колледжиниң 2-курс оқыўшысы Зухра Шагилова 800 метрге ҳәм 4х400 метр аралыққа эстафета беллесиўлеринде барлық қарсыласларынан басым келип, бәйги сызығын биринши болып кесип өтти.

800 метрди 2 минут 16,16 секунд ишинде басып өткен Зухра қазақстанлы Вера Лысичкина ҳәм өзиниң командаласы Татьяна Талановаларды изде қалдырған болса, эстафетада Өзбекстан сайланды командасының ағзалары Лилия Манасапова, Татьяна Таланова ҳәм Лера Паклар менен бирге 3 минут 57,61 секундлық нәтийже көрсетип, басқа республикалардың ўәкиллерине имканият қалдырмады.

Турнир жуўмағында улыўма командалық есапта қазақстанлы спортшылар биринши орынды ийелеген болса, екинши ҳәм үшинши орынлар Өзбекстан ҳәм Қырғызстан ўәкиллерине несип етти.

­ Шәкиртимниң екинши ямаса үшинши орынларды ийелейтуғынына исенсем де, чемпион болыўын күткен жоқ едим, - дейди Зухраның тренери, Қарақалпақстан Республикасы Халық билимлендириўи ағласы Олег Колесников. ­ Алдағы жарысларда да усы пәтти жаздырмаўға ҳәрекет етемиз...

Зухра Шагилова «Қарақалпақ гидромелиоратив экспедиция» мәкемесиниң жетекши инженери Көптилеў Шагилов ҳәм пайтахтымыздағы 25-санлы мектепке шекемги билимлендириў мәкемесиниң меңгериўшиси Гүлнара Хожаметовалардың үшинши перзенти. Итибарлысы, бул шаңарақтың басқа ағзаларының да спортқа болған меҳири бәлент.

Енди ғана 17 бәҳәрин қарсы алып атыр­ған жас спортшымыздың көрсеткен бул нәтийжеси бир қарағанда елеспесиздей түйилер, бәлким. Бирақ, ол қәдем қойып атыр­ған соқпақтың ертең бир күни үлкен гүзарларға айланатуғынына беккем исенемиз.

С.ЖАНИЕВ

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031