Поиск

Авторизация



Опрос

Оцените мой сайт
 
Бас бет СПОРТ

СПОРТ

ЖӘҲӘН ЧЕМПИОНАТЫНА ЖОЛЛАМА

Июнь айының ақырғы сәнелеринде Самарқанд қаласында академиялық ескек есиў бойынша Өзбекстан кубогы беллесиўлери өткерилип, онда республикамыздың спортшылары жоқары табысларды қолға киргизип қайтты. Атап айтқанда, Әбиўбәкир Узақбаев, Ерназар Ҳәмийдуллаев, Дәмехан Қайыпова, Айнура Мәмбетназарова, Марина Александрова, Айсара Байлепесова ҳәм Лизахан Әметовалар 9 алтын, 9 гүмис — жәми 18 медальды жеңип алыўға ериссе, Исламбек Мәмбетназаров пенен Сәрсенбай Байлепесов еки адамлық тақ ескекли қайықта мәмлекетте теңсиз екенин дәлиллеп, 1995-1996-жылларда туўылған жаслар арасында Литваның Тракай қаласында болып өтетуғын жәҳән чемпионатына жолламаны қолға киргизди.

 

Сондай-ақ, Ташкент ўәлаятының Ташморе посёлкасында байдарка ҳәм каноэда ескек есиў бойынша 1997-1998-жылларда туўылған жас өспиримлер арасында өткерилген Өзбекстан чемпионатында каноэ бойынша Шахноза Елмуратова сыйлы 2-орынды ийелеп, гүмис медальды жеңип алған болса, байдарка бойынша Әзизбек Ешимбетов 3-орынды қолға киргизди. Бул жерде Шахнозаның табысын айрықша атап өтиў керек, себеби, ол ғәрезсизлик жылларында республикамыз каноэшылары тәрепинен жеңип алынған туңғыш медаль болып табылады.

Ескекшилеримиздиң жыл басынан берли 32 алтын, 27 гүмис ҳәм 12 — барлығы болып 71 медальды қолға киргизди. Бул табысларда тренерлерден Нийетбай Байлепесов, Муратбай Мәмбетназаров, Баҳадыр Дәўлетияров, Өтебай Үсенов, Қуўат Тәжимуратов ҳәм Парахат Сейт­жановлардың хызметлери айрықша болды.

Н.ТӨРЕЕВ.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031