Поиск

Авторизация



Опрос

Оцените мой сайт
 
Бас бет СПОРТ

СПОРТ

ПАЛЎАН  ҚЫЗЛАРЫМЫЗДЫҢ

ТАБЫСЛАРЫ

Бүгинги күнде республикамызда спортқа қызығыўшы жаслардың саны жыл сайын артып бармақта. Президентимиздиң тиккелей қоллап-қуўатлаўы менен елимиздиң барлық орынларында, ҳәтте ең шетки аўыл-аймақларында да заман талапларына толық жуўап беретуғын спорт объектлери қурып питкерилип, оларда мыңлаған жаслар өзлери қызыққан спорт түрлери менен турақлы түрде шуғылланыў имканиятына ийе болды. Усындай ийгиликли жумыслардың нәтийжесинде олардың арасынан келешегинен үмит күттиретуғын спортшы жаслар жетилисип шығып, халықаралық ареналарда мәмлекетимиз байрағын бәлент желбиретип келмекте.

 

Пайтахтымыздағы Қарақалпақстан Республикасы Халық билимлендириўи министрлигине қараслы 1-санлы республикалық көп тармақлы балалар ҳәм жас өспиримлер спорт мектебиниң еркин гүрес секциясының тәрбияланыўшылары Набира Эсенбаева ҳәм Бийбизәўре Нурабуллаевалар усындай жаслардан саналады. Өзлери қыз бала болыўына қарамастан тийкарынан ер балалар шуғылланатуғын спорт түрин таңлаған бул палўан қызларымыздың табысларын мақтаныш етсе арзыйды.

Набира быйыл Нөкис қалалық халық билимлендириў мәкемелериниң хызметин методикалық тәмийинлеў ҳәм шөлкемлес­тириў бөлимине қараслы 24-санлы мектептиң 9-класын питкереди. Белгили тренер Өсербай Ережеповтан еркин гүрес сырларын үйренип баслаған ол бир неше мәрте Қарақалпақстан, үш мәрте Өзбекстан чемпионы атақларын жеңип алыўға миясар болды. Сондай-ақ, 2012-жылы Алма-ата қаласында өткерилген халықаралық турнирде сыйлы екинши орынды ийелеп қайтты. Ҳәзирги ўақытта болса Қарақалпақстан Республикасы сайланды командасының аға тренери Баҳадыр Қәлимбетовтың қол астында усы жылдың июль айында Монголияда болып өтетуғын Азия чемпионатына қызғын таярлық көрип атыр. Набираның бул жетискенликлерине ҳәўес еткен сиңлилери Феруза менен Улмекен де спорт мектебине қатнап, еркин гүрес пенен шуғылланып киятыр. Олардың да табыслары жаман емес. Мәселен, өткен жылы Ташкент қаласында болып өткен Өзбекстан чемпионатында Феруза алтын медальды жеңип алған болса, Улмекен қола медалын қолға киргизди.

Нөкис қаласындағы w-санлы орта меткептиң питкериўшиси Бийбизәўре Нурабуллаева да келешегинен үлкен үмит күттиретуғын спортшы қызларымыздың бири. Ол жақында пайтахтымызда болып өткен Өзбекстан чемпионатында 56 килограммға шекемги салмақ категориясында сыйлы үшинши орынды ийеледи. Соны да атап өтиў керек, жоқарыда атлары аталған пал­ўан қызларымыздың бундай дәрежеге жетисиўинде еркин гүрес бо­йынша тәжирийбели тренерлер Медет Ережепов пенен Азат Мәдиреймовлардың да хызметлери айрықша.

Палўан қызларымыз өзлериниң алдыларына үлкен мақсетлерди қойған. Азия ҳәм жәҳән чемпионатлары, Олимпиада ойын­ларына қатнасып, ғәрезсиз мәмлекетимиздиң абырайын мүнәсип тәризде қорғаўдан ибарат болған бул мақсетлериниң орынланыўы жолында оларға күш-ғайрат ҳәм әўмет яр болыўын тилеймиз.

С.ЖАНИЕВ,

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031