Поиск

Авторизация



Опрос

Оцените мой сайт
 
Бас бет спорт

спорт

РИНГТЕ  ЖАС  МУАЙТАЙШЫЛАР

Соңғы жылларда республикамызда спорттың муайтай түри жедел пәтлер менен раўажланып бармақта. Муайтай менен шуғылланыўшы көплеген жас спортшыларымыздың тек Өзбекстанда ғана емес, ал, халық­аралық турнирлерде, жәҳән ҳәм Азия чемпионатларында табыслы қатнасып атырғанлығы бул пикиримизди тастыйықлайды. Әлбетте, бундай жетискенликлерге ерисиўде олардың арасында ҳәр қыйлы турнирлердиң ҳәм жарыслардың жийи-жийи шөлкемлестирилип турыўы әҳмийетли роль ойнайды.

 

Жақында 1999-2000-жылларда туўылған жас өспиримлер арасында шөлкемлестирилген республикалық турнир мине усындай илажлардан саналады. Нөкис Олимпия резервлери колледжинде өткерилген бул турнирге тек бизиң республикамыздан ғана емес, ал, Әндижан, Хорезм, Сырдәрья ўәлаятлары ҳәм Ташкент қаласынан qww жас муайтай шеберлери қатнасып, жәми 14 салмақ категориясында жеңимпазлық ушын гүрес жүргизди.

Үш күн даўам еткен қызығарлы беллесиўлер жуўмағында жеңимпазлар анықланды. Өз салмақ категорияларында ташкентли Мухаммаджан Маматов (24 кг.), Абдулла Нарбаев (48 кг.) әндижанлы Акбар Рузбаев (26 кг.), Хажымурат Хужаев (28 кг.), Абдушукур Фазылжанов (34 кг.),  Шахрух Бахтияров (40 кг.), Закир Қасымов (45 кг.), Рахматулла Толқынов (51 кг.), самарқандлы Дилшад Негматов (30 кг.), Санъат Қаҳраманов (36 кг.), хорезм­ли Әзизбек Мадаминов (42 кг.) ҳәм қарақалпақстанлы Наўрыз Есимбетов (32 кг.), Тимур Оразбаев (38 кг.), Ислам Нурниязов (+51 кг.) лар барлық қарсыласларынан басым келип, турнир жеңимпазлығын қолға киргизди.

Көрип турғаныңыздай, турнирде Әндижан ўәлаятының спортшылары жоқары дәрежеде қатнасып, алты салмақ категориясында биринши орынды ийеледи. Буннан басқа да олар бес салмақта гүмис ҳәм сегиз салмақ категориясында қола медаль ийелерине айланды. Бул олардың улыўма командалық есапта биринши орынды жеңип алыўына тийкар жаратты.

­ Ғәрезсизлик жылларында елимизде спортқа, әсиресе, балалар спортына қаратылып атырған күшли дыққат-итибар өзиниң унамлы нәтийжесин берип атыр, ­ дейди Әндижан ўәлаяты сайланды командасының аға тренери Бахтияр Матбабаев. ­ Нөкисте өткерилген турнирде шәкиртлеримниң табыслы қатнасқаны ушын оғада қуўанышлыман. Турнирдиң өзине келетуғын болсақ, ол әжайып тәризде шөлкемлестирилген...

Жарыс жуўмағында жеңимпазлар ҳәм сыйлы орын ийелери медаль, диплом, шөлкемлестириўшилер тәрепинен таярланған баҳалы саўғалар менен сыйлықланды. Турнирдиң ашылыў ҳәм жабылыў, жеңимпазларды сыйлықлаў мәресимлерине Қарақалпақстан Республикасы Жоқар­ғы Кеңесиниң комитет баслығы Б.Нурабуллаев, мәденият ҳәм спорт ислери министри Қ.Турдиев, Өзбекстан Профессионал ҳәм ҳәўескер муайтай ассоциа­циясы Қарақалпақстан бөлиминиң баслығы, бес мәрте жәҳән чемпионы Е.Қутыбаев, бас қәўендер ­ «Зарубежнефтегаз ГПД Центральная Азия» ЖШЖ баслығы А.Әбдимажитов ҳәм мийман командалардың ўәкиллери қатнасып, алдағы жарысларда жас спортшыларға табыслар тиледи.

Турнирдиң барлық қағыйдаларға сай өтиўинде бас төреши М.Балтабаев ҳәм хаткер Б.Алланиязовлардың хызметлери айрықша болды.

С.ЖАНИЕВ,

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031