Поиск

Авторизация



Опрос

Оцените мой сайт
 
Бас бет Журналистлик изертлеўлер Монша деген жақсы-ғой, бирақ…

Монша деген жақсы-ғой, бирақ…

Бир күни еки жигит моншаға түсип болған соң, бириншиси қасындағысына :

-Паҳ, жора, монша дегениң жақсы екен ғой, буйырса ендиги жылы тағы келемен,- депти. Сонда жорасы :

-Жоражан, балық болып кет-ә!- деген екен.

Бул анекдоты бийкарға келтирмедик, себеби, бул сөзлердиң астарында терең мәни жатыр.

«Тазалық-денсаўлықтың гиреўи»-дейди халқымыз.

Адамлардың денсаўлыҒына, олардың таза жүриўинде, әлбетте, моншалардың хызмети айрықша. Себеби, адамларда ушырасатуҒын ҳәр қыйлы тери  кеселликлериниң ; қышытпа, суў жаралары, замарық ҳәм басқада кеселликлериниң келип шыҒыўының алдын алыўда монша хызмети зәрүр. Сонлықтан, халқымыздың күнделикли турмысында зәрүр болҒан моншалар хызмети, олардың жаҒдайлары бойынша қызықсынып көрдик.

Нөкис қаласы статистика бөлиминиң маҒлыўматы бойынша қаламызда дизимнен өткен үш монша хызмети бар. Олар Ж.Аймурзаев көшесинде жайласқан «Мерўерт» жеке меншик фирмасы, Әмир Темур көшесиндеги «Бекнияз» өндирислик-коммерциялык фирмасы, Х.Әбдамбетов көшесинде жайласқан «Адил» жеке меншик карханаларына қараслы моншалар есапланады.

Өмирбай Қалиев басқарған «Мерўерт» жеке меншик фирмасына қараслы моншасына барғанымызда монша имараты бузып тасланғанлығын көрдик. 2011-жылдың 10-июнинде Нөкис қаласы ҳәкиминиң қарары менен имарат орны қалалық жер фондына қайтарып алынҒан. Ал, «Мерўерт» жеке меншик фирмасына А.Досназаров көшеси «Ашық театр» аймаҒына иргелес жер орнынан, улыўма майданы 1100 метр 2 жер орны монша қурыўҒа ажыратылып берилген. Лекин, ҳәзирде бул орында монша қурыў жумыслары дурыслы алып барылмай атыр. Буның себебин Ө.Қалиев Қарақалпақстан Республикасы мәмлекетлик архитектура ҳәм қурылыс комитети тәрепинен келисим бермегенлигин айтып өтти. Биз бул мәселе бойынша усы комитеттиң тийисли қанигелерине мүрәжәт еткенимизде Қарақалпақстан Республикасы мәмлекетлик архитектура ҳәм қурылыс комитетиниң 2002-жыл 15-ноябрдеги регламенти бойынша ҳәр қандай салынажақ имарат алдын-ала «Узшаҳарсозлик ЛИТИ» мәмлекетлик унитар карханасынан келисим алыўы кереклиги ҳаққында маҒлыўмат берди.

Ал, Әмир Темур көшесинде жайласқан «Бекнияз» өндирислик-коммерциялык фирмасына қараслы монша қайта оңлаў ислерине байланыслы июнь айынан өз хызметин тоқтатқан.

Гөне қала аймағындағы «Адил» жеке меншик карханасына қараслы монша хызмети Ғана ебиндей ислеп турҒан пайтахтымыздаҒы бирден-бир монша есапланады. Дурыс, қаламызда дизимнен өтпеген моншалар баршылық. Ҳәр бир көшелерде жеке үйлерден ашып қойған моншалар көп . Бирақ, бул моншалардың санитариялық жаҒдайы, талапқа толық жуўап бериўи жаҒынан тийисли уйымлардан келисим алмаҒанлыҒы бизди тынышсызландырады.

М.Қурбанбаев басқарған «Адил» жеке меншик карханасы 1994-жылдан халыққа хызмет көрсетип киятыр. Бул жеке меншик кархана өткен жылы 21 миллион 67 мың сумды мәмлекет қазнасына тапсырҒан болса, ал, усы жылдың 9 айлыҒында 13768985 сум тапсырды.

- Моншаларымыздың комуналлық төлемлериниң жоқарылығы қыйландырып келмекте. Бизлерге азы-кем жеңилликлер жаратылып берилсе, биз еледе халыққа унамлы баҳаларда хызмет көрсеткен болар едик,-дейди биз бенен болған сәўбетте монша баслығы М.Қурбанбаев.

280 мыңнан аслам болған Нөкис халқына бир-еки монша хызметиниң барлығы жүдә аянышлы жағдай. Сонлықтан да тийисли мәкемелер, жоқары уйымдағылар халыққа жақсы хызмет көрсетиўлери ушын моншалар хызметине қолайлы мүмкиншиликлер жаратып берсе саўаплы ис қылған болар еди…

Монша деген жақсы, бирақ халқымызға барлық қолайлықларға ийе, талапқа толық жуўап беретуғын моншалар зәрүр!

 

 

 

 

 

 

 

 

Комментарии 

 
#3 bekbay 26.05.2012 06:31
МОНША — деген жаркылык жаксы болган да кандай. Бизлер кобирек халык арасында, ауылларда боламыз, монша-туалет маселеси шатак. Гауаша тарбиясы, пахта жыйын-теримине барганлар жаксы биледи
...Бир сапары Татарстанда мийманда болганымда барыудан МОНШАга тусирип кейин уйине киргенимиз бар. Не деген маденият-тазалык. Бизде де шанараклык мадениятты турмысымызга жане де енистирип, угит-насиятлауымыз талап етиледи, демекши едим.
 
 
#2 Aza 03.05.2012 18:55
Bul maselede isbilermenlerim izdin ozleri de oylanip korse ham belsendilik korsetse, ozlerine de ham xalqqa da paydali bolgan bolar edi. Al, bul jolda olarga tilekleslik bildirip, olardi ele de qollap jibersek maqsetke muwapiq bolarmedi... Maselenin bul tarepin de kenirek jaritsaniz...
 
 
#1 Азамат 31.03.2012 11:59
Моншалар хаккындагы макаланыз маган унады. Алдагы журналистлик изертлеу жумысларынызда еле де бул маселе бойынша ислеп корсениз.Бул кызыгарлы болар еди!!! Илтимас Сизден!!!!
 

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Октябрь
ПнВтСрЧтПтСбВс
      1
2345678
9101112131415
16171819202122
23242526272829
3031