Поиск

Авторизация



Опрос

Оцените мой сайт
 
Бас бет Мақалалар

Мақалалар

СПОРТ

ЖӘҲӘН ЧЕМПИОНАТЫНА ЖОЛЛАМА

Июнь айының ақырғы сәнелеринде Самарқанд қаласында академиялық ескек есиў бойынша Өзбекстан кубогы беллесиўлери өткерилип, онда республикамыздың спортшылары жоқары табысларды қолға киргизип қайтты. Атап айтқанда, Әбиўбәкир Узақбаев, Ерназар Ҳәмийдуллаев, Дәмехан Қайыпова, Айнура Мәмбетназарова, Марина Александрова, Айсара Байлепесова ҳәм Лизахан Әметовалар 9 алтын, 9 гүмис — жәми 18 медальды жеңип алыўға ериссе, Исламбек Мәмбетназаров пенен Сәрсенбай Байлепесов еки адамлық тақ ескекли қайықта мәмлекетте теңсиз екенин дәлиллеп, 1995-1996-жылларда туўылған жаслар арасында Литваның Тракай қаласында болып өтетуғын жәҳән чемпионатына жолламаны қолға киргизди.

 

КӨРКЕМ ӨНЕР

ЫҚЛАСЫНА БЕРГЕН БАҚСЫ

Өзиң менен зәңгилес болып, күнде көз көрип жүрген адамыңды бирден қағазға салып жазып кете бериў мүшкил екенлигин енди сезингендей болдым. Өйткени, бираз жылдан берли бақсы Әжинияз Абибуллаевты телевидениеден көрип, радиодан қосықларын еситип, той мерекелерде атқарып жүрген бақсышылық өнериндеги жанға жағымлы қосықларын тыңлап ҳақыйқый бақсы болып жетилисип киятырғанлығына гүман етпейсең.   Оны дәслепки сәўбетимизге тарт­қанымыздан-ақ, «мен еле бақсышылық өнерин меңгергеним жоқ, еле шәкирт басқышындаман» деп өзиниң кишипейиллигин көрсетти.

 

СПОРТ

«ДИНАМО» АҒЗАЛАРЫ БОС КЕЛМЕДИ

Жақында Ташкент қаласында спорттың қол урысы түри бойынша 16-18 жастағы өспиримлер арасында Өзбекстан Республикасы Қорғаныў министрлиги әскерий спорт клубы кубогы ушын ашық чемпионат өткерилген еди. Чем­пионатқа Қарақалпақстан Республикасы Ишки ислер министрлиги «Динамо» дене тәрбия­сы ҳәм спорт жәмийетиниң жас өспиримлер командасының ағзалары да қатнасып, бир қатар жоқары нәтийжелерге еристи. Атап айтқанда, 75 килограммға шекемги салмақ категориясында беллескен жерлесимиз Арыслан Абдалов финалға шекемги барлық қарсыласынан басым келип, сыйлы екинши орынды ийелеген болса, Бердақ Халиев (50 кг.) ҳәм Закир Қоңыратбаев (55 кг.)лар өз салмақ категорияларында үшинши орынды қолға киргизип, Өзбекстан ҳуқық қорғаў уйымлары Қол урысы федерациясының дипломы, медальлары ҳәм кубогы менен сыйлықланды.

 

ХОШ ХАБАР

СОҚПАҚЛАР ГҮЗАРҒА АЙЛАНСЫН

ЯМАСА ЖЕРЛЕСИМИЗДИҢ ХАЛЫҚАРАЛЫҚ ТУРНИРДЕГИ ҚОС ТАБЫСЫ

Елимизде спортты ҳәм дене тәрбиясын раўажландырыўға болған күшли дыққат-итибардың нәтийжесинде жас спортшыларымыз жәҳән ареналарында, халықаралық турнирлерде мәмлекетимиз байрағын бәлент желбиретип келмекте. Қуўанарлысы, олардың қатары күн сайын көбейип атыр.

Усы жылдың 19-20-май сәнелеринде Қазақстан Республикасының Алматы қаласында жас өспиримлер арасында жеңил атлетика бойынша дәстүрий халықаралық турнир болып өткен еди. Турнирде Өзбекстан сайланды командасы қурамында қатнас­қан жерлесимиз, Нөкис спорт колледжиниң 2-курс оқыўшысы Зухра Шагилова 800 метрге ҳәм 4х400 метр аралыққа эстафета беллесиўлеринде барлық қарсыласларынан басым келип, бәйги сызығын биринши болып кесип өтти.

 

КӨРГИЗБЕ

ЕРТЕ  СӨНГЕН  ЖУЛДЫЗ

Арамызда болмаса да ислеген мийнетлери менен халқымыз  кеўил төринен  жай алған инсанлар аты ҳеш қашан умытылмайды. Олардың уллы ислери жаңаланып әўладтан-әўладқа өтип бара береди. Усындай инсанлардың бири художник Байрамбай Ешбаев еди.

 
Basqa maqalalar...

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031