Поиск

Авторизация



Опрос

Оцените мой сайт
 
Бас бет Мақалалар

Мақалалар

Келиң биргеликте ат салысайық, ДОСЛАР!!!

  Өткен сапары МИЙМАНХАНА мызға Қарақалпақстан Республикасы Каратэ федерациясы ўәкиллериненен Полат исмли жигит өзиниң пикирин қалдырыпты. Өз гезегинде жеке веб сайтымызға кирип өзиниң пикирин билдиргенине миннетдаршылығымды билдиремен.  Ол өз пикиринде сайтымызда республикамыздағы каратэ спорты ҳаққындағы жетискенликлер ҳаққында мақалалар жәрияланбай атырганлагын жазған екен. Расында да , мен де спорттың каратэ түрине жүдә қызығаман ҳәмде бул спорт пенен тәўир-ақ шуғылланып бираз жақсы нәтийжелерге ерискенмен. Мен бул жеке веб сайтымды алдында айтқанымдай журналистлик жеке веб сайт сыпатында ашқанман. Ҳәзирде жасыратуғыны жоқ Өзбекстан Республикамыздың гүллеп жаснаўын гейбир көре алмас адамлар елимизде сөз еркинлиги мәселесинде болар болмас гәплерди айтып жүреди. Журналистлик өз позициямда турып, Республикамыздағы қабыл етилген сөз еркинлигине, ғалаба хабар қуралларына байланыслы, журналистлик кәсипти қорғаў ҳаққындағы қабыл етилген бир қанша нызамларды негиз етип, елимиздиң раўажланыўын көреалмас кимселерге усындай жаратып берилген имканиятлардың барлығынан, нызамлардың елимизде үстинлиги ҳуқықықый демократиялық мәмлекет екенлиги ҳаққында бәршеге түсиндирмек нийетинде, аңлатыў ушын жеке веб сайтымды жаратып отырман.

 

 

3-МАЙ-ДҮНЬЯ ЖҮЗЛИК БАСПАСӨЗ ЕРКИНЛИГИ КҮНИ

СӨЗДИҢ ҚҮДИРЕТИ

  Халқымызда жүдә бир таўып айтылған гәп бар: адамды бир аўыз сөз жолдан-да шығарады, жолға да салады. Себеби, орны таўып айтылмаған бир аўыз сөздиң ақыбетинен ағайин-туўысқан, дос-яран, жасы үлкен-жасы кишиниң арасынан ала пышық өтеди.

 

Ал, керисинше кәтқудалық бир аўыз сөз жағаласқанды жарастырады, есерди жолға салады. Әсиресе, өмир сүриўдиң бағытын еле дурыслы меңгере алмай жүрген жаслардың келешегине үлкен тәсир жасайды.

 

Бурынғы заманлары бул ўазыйпаны дилўар-шешенлер атқарған. Олардың қәтқудалық сөзлери адамларды жақсылыққа баслаған. Турмыслық эталоны болып хызмет еткен.

 

Батыста, Шығыс Европада көп жыллар бурын, ал, бизиң елимизде 20 әсирдиң басларынан баслап бул ўазыйпаларды баспасөз өз мойнына ала баслады.

 

Олар бара-бара адамларды тәрбиялаў, халықты белгили бир бағдарға жетелеўши жәмийетлик-сиясий қурал дәрежесине көтериле баслады.

 

 

ЖАРАМСЫЗ ИЛЛЕТТИҢ ӨЗИ МАЙДА-ШҮЙДЕДЕН БАСЛАНБАЙ МА?

Мени айырым ўақытлары төмендеги жағдайлар қатты ойландырады.

Көшеде еки адам айқасып атырса барып айырмаймыз, биреў көшеге патас тасланды нәрселерди таслап атырса:

—Неге тасладың?—деп айтпаймыз.

Бир бала теректиң шақаларын сындырып атырса:

—Қой!—деп бақырмаймыз. Неге бизлер әпиўайы нәрселерди көрип, биле тура бийпәрўа болып өтип кетемиз? Ҳәр биримиз буныңдай бийпәрўа болсақ, жәмийетимиз қашан алға илгерилейди?...

 

 

МЕН КИТАПТЫ НЕ УШЫН ОҚЫЙМАН?

— Пешков, егер сен бирден байып кетсең, дүньяңды неге жумсар едиң?

— Барлығына китап сатып алған болар едим.

(М.Горький. «Мениң университетлерим» шығармасынан).

М.Горький китаптан көп нәрсе алды: Киси есигинде жүрген жетим бала күндизги аўыр мийнеттен шаршап, көзлерине уйқы уялағанына қарамастан, хожейининен жасырып, шүтик шыраның жақтысында китапқа берилмегенде, әййемги гуннлардан, спарталылардың азатлық гүреслеринен, Гомердиң дәстанларынан, Дантениң «Илаҳий» шығармасынан бийхабар, қарапайым орыс адамы болып қалҒан болар ма еди. Китап оны биротала бәнт етип алып, Алешаның көзқарасын пүткиллей өзгертип жиберди. Китаптың қүдирети де усында да!

Мениң гәпти булай баслаўымның мәниси—«Китап—билим булағы», «Әлипбеден басладым»ға усаған сыйқақ гәплерден қашқым келди. Буны менсиз де жазатуғынлар жетип атыр. Ойым нәрестени кәмил инсан етип тәрбиялаўда китаптың теңи-тайы жоқ хызметин азы-кем сөз етиў еди.

 

 

ҒӘРЕЗСИЗ ЎАТАН ҚОСЫҚЛАРЫ

«Ҳәр кимге өз ели Мысыр шәҳәри...»

(Халық ибарасы)

  Бир сапары әдебият муҒаллимимиз Дәрихан апа Есимова бизлерге үйде «Ўатан туйҒысы» деген темада шыҒарма жазып келиўди тапсырды. Газеталарда дәслепки мақалаларым басылып атырҒан маҒан бул тапсырма онша аўыр еместей сезилип «семишки шаққан»дай етип таслайман Ғой деп ойлап едим, бундай болмады. Кесе белден бир неше саўаллар шыҒып, тубалатып таслады.

—«Ўатан» сөзи не маҒананы аңлатады?—деп сорайман әкем Арысланбай Арзиевтан.

—Бул туўылҒан жериң. Анаң киби муқаддес дәргай.

«ТуўылҒан жер» ибарасы кең мәниде Ғой. Ол қай жерден басланады?

Гәпке анам Гүлистан Сержанова қосылады:

—Ўатан өз үйиңниң босаҒасынан басланады, киндик қаның тамҒан жерден. Тилеўберген Жумамуратовты, Ибрайым Юсуповты, Кеңесбай Рахмановты, Дәўлен Айтмуратовты көбирек оқы, түсинип аласаң.

КитапларҒа жүгинемен. Үңилген сайын «Ўатан» уҒымының шеңбери кеңейип, салмаҒы артып бара берди. Ҳәр шайыр өзинше жырлаҒаны менен түби айланып келгенде оқыўшыҒа туўылҒан жердиң қәдир-қымбаты, оның гөззаллыҒы, халқының мәртлиги туўралы иләҳий сезимлерди инәм етер еди. Мәселен, Т.Жумамуратов:

 

 
Basqa maqalalar...

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2018
Август
ПнВтСрЧтПтСбВс
  12345
6789101112
13141516171819
20212223242526
2728293031