Поиск

Авторизация



Опрос

Оцените мой сайт
 
Бас бет Спорт

Спорт

ҚАЙТА ШӨЛКЕМЛЕСТИРИЛГЕН

ФЕДЕРАЦИЯ

Бүгинги күнде елимизде спорттың дерлик барлық түрлерине дыққат қаратылып, Елбасшымыздың тиккелей қоллап-қуўатлаўы менен республикамыздың барлық орынларында, ҳәтте ең шетки аўыл-аймақларында заман талапларына толық жуўап беретуғын спорт объектлери салынып, оларда көплеген жаслар өзлери қызыққан спорт түрлери менен турақлы түрде шуғылланыў мүмкиншилигине ийе болмақта.

Жақында Қарақалпақстан Республикасы Мәденият ҳәм спорт ислери минис­трлигинде бир-еки жылдан берли үзилиске түсип қал­ған Қарақалпақстан Республикасы Кикбоксинг федера­циясын жаңадан шөлкем­лестириў бойынша жыйналыс өткерилди.

Илажға Өзбекистан Республикасы Мәденият ҳәм спорт ислери министрлиги сертификатластырыў ҳәм компьютерлестириў орайының аймақлар менен ислесиў басқармасының бас мәсләҳәтшиси М.Пошшахужаев, Өзбекистан Республикасы Кикбоксинг федера­циясының президенти Ш.Турсунахунов, вице-президенти Ғ.Сайдиахматов, Өзбекистан Республикасы «Камалат» жаслар жәмийетлик ҳәрекетиниң спорт бөлими баслығы У.Раджапов, Қарақалпақстан Республикасы Мәденият ҳәм спорт ислери министриниң орынбасары А.Турдановлар шығып сөйлеп, кикбоксинг спортының ғалабалығына ерисиў, бул спорт түрине қызығыўшы жаслардың санын еле де көбейтиў, республикамыздың барлық қала ҳәм ра­йонларында кең ен жайдырыў бойынша бир қатар жумыслар алып барыў кереклиги жөнинде айтып өтти.

— Қарақалпақ ели әзелден өзиниң батырлары, пал­ўанлары менен даңқ шығарған елат. Бул елдиң спортшы жасларының көпшилиги бүгинги күнде Өзбекистанымыздың атын дүньяға танытыўда өзлериниң үлеслерин қосып келмекте. Бул спорттың Қарақалпақстан Республикасында да кең ен жайып, қарақалпақ кикбоксингшилери де жәҳән ареналарында елимиз даңқын  жоқары шығарыўына исенемен,-дейди Өзбекистан Республикасы Кикбоксинг федерациясының вице-президенти Ғ.Сайдиахматов.

Илажда шөлкемлестириўшилер тәрепинен бир неше жыллардан берли жасларға устазлық етип кия­тыр­ған жас тренер Е.Суюпов Қарақалпақстан Республикасы кикбоксинг федера­циясының атқарыўшы директоры етип сайланды.

Р.АРЗИЕВ.

CҮЎРЕТТЕ: шөлкемлестириў мәжлисинен көринис.

Автордың түсирген сүўрети.

«Бүгин биз демократиялық процесслерди тереңлестириў, халықтың сиясий белсиндилигин арттырыў, пуқаралардың мәмлекетимиздиң сиясий ҳәм жәмийетлик турмысындағы әмелий қатнасы ҳаққында сөз етер екенбиз, әлбетте, мәлимлеме алыў еркинлигин тәмийинлемей, ғалаба хабар қуралларын адамлар өзиниң пикир ҳәм идеяларын, жүз берип атырған ўақыяларға өзлериниң мүнәсибетин ҳәм позициясын еркин билдиретуғын минберге ерисип болмайтуғынын жақсы билемиз.

Бәршеге мәлим, пуқаралардың мәлимлеме тараўындағы ҳуқық ҳәм еркинликлерин тәмийинлеў мәселеси инсанның мәлимлеме алыў, мәлимлемени ҳәм өзиниң жеке пикирин тарқатыў ҳуқықы ҳәм еркинлигин өзине жәмлеген болып, бул Өзбекстанда демократиялық жәмийет тийкарларын қурыўдың әҳмийетли шәрти, керек болса, тырнағы болып есапланады».

Ислам Кәримов

 

Архив

2017
Декабрь
ПнВтСрЧтПтСбВс
    123
45678910
11121314151617
18192021222324
25262728293031